படம் தயாராகிறது… Generating image…
தியாகி இம்மானுவேல் சேகரனாரின் சமூகநீதிக்கான பங்களிப்புகளை நினைவுகூர்ந்து, சமத்துவம் நிறைந்த சமூகத்தை உருவாக்க உறுதியேற்க வேண்டும் என்று உதயநிதி ஸ்டாலின் தெரிவித்துள்ளார். விடுதலைப் போராட்ட வீரர் தியாகி இம்மானுவேல் சேகரனாரின் பிறந்த நாளையொட்டி, உதயநிதி ஸ்டாலின் தனது எக்ஸ் தளத்தில் பதிவொன்றை வெளியிட்டுள்ளார். அதில், நாட்டின் விடுதலைக்காகவும், ஒடுக்கப்பட்ட மக்களின் உரிமைகள் மற்றும் விடுதலைக்காகவும் போராடிய இம்மானுவேல் சேகரனாரின் சேவைகள் என்றும் நினைவில் நிலைத்திருக்கும் என்று குறிப்பிட்டுள்ளார். மேலும், அவரது சமூகநீதிப் பணிகளைப் போற்றுவதுடன், அனைவரும் சம உரிமையுடன் வாழும் சமுதாயத்தை உருவாக்க உறுதிபூண வேண்டும் என்றும் உதயநிதி ஸ்டாலின் தனது பதிவில் வலியுறுத்தியுள்ளார்.
