படம் தயாராகிறது… Generating image…
தாராபுரம் (தனி) சட்டமன்ற தொகுதி இடைத்தேர்தலில் தி.மு.க. சார்பில் சுகன்யா போட்டியிடுகிறார். அவருக்கு ஆதரவு திரட்டும் வகையில் தி.மு.க. தலைவர் மு.க.ஸ்டாலின் இன்று தாராபுரத்தில் பிரசாரம் மேற்கொண்டார். அமராவதி சிலையில் இருந்து தொடங்கிய அவரது ரோடு ஷோ, பொள்ளாச்சி சாலை மற்றும் பெரியகடை வீதி வழியாக நடைபெற்றது. வழிநெடுகிலும் தி.மு.க. தொண்டர்கள் மு.க.ஸ்டாலினுக்கு உற்சாக வரவேற்பு அளித்தனர். ரோடு ஷோவின்போது பொதுமக்கள் மு.க.ஸ்டாலினுக்கு புத்தகங்கள், பூங்கொத்துகள் மற்றும் சால்வைகளை வழங்கினர். தொடர்ந்து பெரியகடை வீதி பகுதியில் உள்ள கடைகளுக்குச் சென்ற அவர், அங்கிருந்த பொதுமக்களிடம் வாக்கு சேகரித்தார். அப்போது பொதுமக்கள் அவருடன் புகைப்படங்களும் எடுத்துக்கொண்டனர். இதனைத் தொடர்ந்து இன்று மாலை 5 மணிக்கு உடுமலை சாலையில் உள்ள மாருதி நகர் பகுதியில் பொதுக்கூட்டம் நடைபெற உள்ளது. இதில் மு.க.ஸ்டாலின் கலந்து கொண்டு பேசுகிறார்.
