படம் தயாராகிறது… Generating image…
மதுரை: தமிழர்களின் பாரம்பரிய வீர விளையாட்டான ஜல்லிக்கட்டு குறித்து சட்டப்பேரவையில் சோழவந்தான் தொகுதி தவெக எம்எல்ஏ கருப்பையா தெரிவித்ததாக கூறப்படும் கருத்துக்கு எதிர்ப்பு தெரிவித்து, தவெக அரசைக் கண்டித்து மதுரையில் செப்டம்பர் 3-ஆம் தேதி அதிமுக சார்பில் கண்டன ஆர்ப்பாட்டம் நடைபெறும் என அக்கட்சியின் பொதுச்செயலாளர் எடப்பாடி பழனிசாமி அறிவித்துள்ளார்.இதுதொடர்பாக அவர் வெளியிட்ட அறிக்கையில், சட்டப்பேரவைத் தேர்தலின்போது நிறைவேற்ற முடியாத பல்வேறு வாக்குறுதிகளை அளித்து ஆட்சிக்கு வந்ததாக தவெக அரசை விமர்சித்துள்ளார். மக்கள் நிம்மதியாக வாழ்வதற்கான சூழலை உருவாக்குவதற்குப் பதிலாக பல்வேறு நிகழ்வுகளை அந்த அரசு அரங்கேற்றிவருவதாகவும்அவர்குற்றம்சாட்டியுள்ளார்.சட்டப்பேரவையில் சோழவந்தான் தொகுதி தவெக எம்எல்ஏ கருப்பையா, தமிழர்களின் பாரம்பரியம், கலாசாரம், நாகரிகம் மற்றும் வீரத்தின் அடையாளமாகக் கருதப்படும் ஜல்லிக்கட்டு இளைஞர்களை சீரழிக்கிறது என அவமதிக்கும் வகையில் பேசியதாக எடப்பாடி பழனிசாமி தெரிவித்துள்ளார். இந்தப் பேச்சு இளைஞர்கள் மற்றும் பொதுமக்கள் மத்தியில் அதிருப்தியையும் வேதனையையும் ஏற்படுத்தியுள்ளதாகவும் அவர் கூறியுள்ளார். மேலும், ஜல்லிக்கட்டு தொடர்பாக அதிமுக மேற்கொண்ட அரசியல் மற்றும் சட்டப் போராட்டங்களையும் அவர் தனது அறிக்கையில் சுட்டிக்காட்டியுள்ளார். விலங்குகள் நல அமைப்பு தொடர்ந்த வழக்கில், 2014-ஆம் ஆண்டு உச்சநீதிமன்றம் ஜல்லிக்கட்டுக்கு தடை விதித்ததாக அவர் குறிப்பிட்டுள்ளார்.அப்போது முதலமைச்சராக இருந்த ஜெயலலிதா, ஜல்லிக்கட்டு தமிழர்களின் கலாசாரம் மற்றும் பாரம்பரியத்துடன் தொடர்புடையது என்பதால் தடையை நீக்க வேண்டும் என மத்திய அரசை வலியுறுத்தியதுடன், உச்சநீதிமன்றத்தில் சீராய்வு மனுவும் தாக்கல் செய்ததாக அவர் தெரிவித்துள்ளார்.இதன் தொடர்ச்சியாக, 2017 ஜனவரியில் ஜல்லிக்கட்டுக்கு ஆதரவாகதமிழகம் முழுவதும் மாணவர்கள் மற்றும் இளைஞர்கள் போராட்டத்தில் ஈடுபட்டதாகவும், அப்போதைய அதிமுக அரசு போராட்டக்காரர்களின் கோரிக்கையை ஏற்று, மத்திய அரசின் ஒப்புதலுடன் 2017 ஜனவரி 21-ஆம் தேதி ஜல்லிக்கட்டுக்கான அவசரச் சட்டத்தை கொண்டு வந்ததாகவும் எடப்பாடி பழனிசாமி கூறியுள்ளார்.பின்னர், தமது தலைமையிலான அப்போதைய அரசு, தமிழ்நாடு சட்டப்பேரவையில் விலங்குகள் வதைத் தடுப்புச் சட்டத்தில் திருத்தம் செய்து நிரந்தர சட்டத்தை ஒருமனதாக நிறைவேற்றியதாக அவர்தெரிவித்துள்ளார்.இதன்மூலம்ஜல்லிக்கட்டுவெறும்பொழுதுபோக்குநிகழ்ச்சிஅல்ல;அதுதமிழர்களின்கலாசாரபாரம்பரியத்தின்ஒருபகுதியாகசட்டரீதியாகஉறுதிசெய்யப்பட்டதாகவும்குறிப்பிட்டுள்ளார்.இந்தசட்டத்திருத்தத்தைஎதிர்த்துவிலங்குநலஅமைப்புகள்உச்சநீதிமன்றத்தில் மீண்டும் வழக்கு தொடர்ந்த நிலையில், 2023 மே 18-ஆம் தேதி அரசியல் சாசன அமர்வு தமிழக அரசு கொண்டு வந்த சட்டம் செல்லும் எனத் தீர்ப்பளித்ததாகவும், இதன் மூலம் ஜல்லிக்கட்டு தொடர்ந்து நடத்துவதற்கான சட்டப்பூர்வ நிலை உறுதி செய்யப்பட்டதாகவும் அவர் தெரிவித்துள்ளார். ஜல்லிக்கட்டு தடையின்றி நடைபெறுவதற்கு அதிமுக அரசு மேற்கொண்ட சட்டப் போராட்டங்களே காரணம் என்றும் எடப்பாடி பழனிசாமி கூறியுள்ளார்.இந்த நிலையில், ஜல்லிக்கட்டு குறித்து சட்டப்பேரவையில் தவெக எம்எல்ஏ தெரிவித்ததாகக் கூறப்படும் கருத்தைக் கண்டித்தும், தவெக அரசின் செயல்பாடுகளுக்கு எதிர்ப்பு தெரிவித்தும் மதுரை மாநகர், மதுரை புறநகர் கிழக்கு மற்றும் மதுரை புறநகர் மேற்கு மாவட்ட அதிமுக சார்பில் செப்டம்பர் 3-ஆம் தேதி காலை 9.30 மணிக்கு அலங்காநல்லூர் வாடிவாசல் அருகே மாபெரும் கண்டன ஆர்ப்பாட்டம் நடைபெற உள்ளதாக அறிவிக்கப்பட்டுள்ளது. இந்தப் போராட்டத்துக்கு அதிமுக அமைப்புச் செயலாளரும், மதுரை மாநகர் மாவட்டச் செயலாளரும், முன்னாள் அமைச்சருமான செல்லூர் கே. ராஜூ, புரட்சித் தலைவி பேரவைச் செயலாளரும், மதுரை புறநகர் மேற்கு மாவட்டச் செயலாளரும், முன்னாள் அமைச்சருமான ஆர்.பி. உதயகுமார், அமைப்புச் செயலாளரும், மதுரை புறநகர் கிழக்கு மாவட்டச் செயலாளருமான வி.வி. ராஜன் செல்லப்பா ஆகியோர் தலைமை வகிக்க உள்ளனர். அனைத்துலக எம்ஜிஆர் மன்ற இணைச் செயலாளர் மற்றும் முன்னாள் எம்எல்ஏ மாணிக்கம் முன்னிலை வகிப்பார் என தெரிவிக்கப்பட்டுள்ளது. ஆர்ப்பாட்டத்தில் மதுரை மாநகர், மதுரை புறநகர் கிழக்கு மற்றும் மதுரை புறநகர் மேற்கு மாவட்டங்களைச் சேர்ந்த கட்சி நிர்வாகிகள், முன்னாள் அமைச்சர்கள், முன்னாள் நாடாளுமன்ற மற்றும் சட்டமன்ற உறுப்பினர்கள், மாவட்ட நிர்வாகிகள், ஒன்றிய, நகர, பேரூராட்சி நிர்வாகிகள், கட்சியின் சார்பு அமைப்புகளின் மாநில மற்றும் மாவட்ட நிர்வாகிகள்உள்ளிட்டோர்பங்கேற்குமாறுகேட்டுக்கொள்ளப்பட்டுள்ளனர்.மேலும், உள்ளாட்சி அமைப்புகளின் தற்போதைய மற்றும் முன்னாள் பிரதிநிதிகள், கூட்டுறவு சங்கங்களின் முன்னாள் பிரதிநிதிகள்மற்றும்கட்சித்தொண்டர்கள்திரளாகக்கலந்துகொள்ளவேண்டும்எனவும்அழைப்புவிடுக்கப்பட்டுள்ளது.ஜல்லிக்கட்டு காளைகளைப் பிடிக்கும் வீரர்கள், காளை வளர்ப்போர், ஜல்லிக்கட்டு ஆர்வலர்கள், ஜல்லிக்கட்டு நலச் சங்கத்தினர், இளைஞர்கள், இளம் பெண்கள் உள்ளிட்ட பொதுமக்களும் இந்தக் கண்டன ஆர்ப்பாட்டத்தில் பெருமளவில் பங்கேற்க வேண்டும் என எடப்பாடி பழனிசாமி கேட்டுக்கொண்டுள்ளார்.
