படம் தயாராகிறது… Generating image…
ரஜினிகாந்த் நடிப்பில் நெல்சன் திலீப்குமார் இயக்கிய ‘ஜெயிலர்’ திரைப்படம் கடந்த 2023-ம் ஆண்டு வெளியானது. சன் பிக்சர்ஸ் தயாரித்த இப்படத்தில் ரம்யா கிருஷ்ணன், மிர்ணா, விநாயகன், வசந்த் ரவி உள்ளிட்ட பலர் முக்கிய கதாபாத்திரங்களில் நடித்திருந்தனர். அனிருத் இசையமைத்திருந்தார். ரசிகர்களிடம் பெரும் வரவேற்பைப் பெற்ற இப்படம், உலகளவில் ரூ.600 கோடிக்கும் அதிகமாக வசூலித்ததாக கூறப்பட்டது. ‘ஜெயிலர்’ படத்தின் வெற்றியைத் தொடர்ந்து, அதன் இரண்டாம் பாகம் தற்போது உருவாகி வருகிறது. ‘ஜெயிலர் 2’ படத்திற்காக ரஜினிகாந்த் மற்றும் நெல்சன் திலீப்குமார் மீண்டும் இணைந்திருப்பது ரசிகர்களின் எதிர்பார்ப்பை மேலும் அதிகரித்துள்ளது. முதல் பாகத்தைப் போலவே, இரண்டாம் பாகத்திலும் மோகன்லால் மற்றும் சிவராஜ்குமார் முக்கியமான கேமியோ கதாபாத்திரங்களில் நடித்துள்ளதாக கூறப்படுகிறது. இவர்களுடன் ரம்யா கிருஷ்ணன், பாலிவுட் நடிகர் மிதுன் சக்கரவர்த்தி, சந்தானம், சுராஜ் வெஞ்சரமூடு, யோகி பாபு உள்ளிட்ட பலரும் இப்படத்தில் இடம்பெற்றுள்ளனர். சுமார் ரூ.350 கோடி பட்ஜெட்டில் ‘ஜெயிலர் 2’ உருவாகியுள்ளதாக தகவல் வெளியாகியுள்ளது. இப்படம் வரும் அக்டோபர் 15-ம் தேதி உலகம் முழுவதும் திரையரங்குகளில் வெளியாக உள்ளது. இதனிடையே, படத்தில் இடம்பெற்றுள்ள ‘அல்ல போலேலோ’, ‘ஒன் மூன்... ஒன் சன்’, ‘ஒன் நேம்’ உள்ளிட்ட பாடல்கள் அடுத்தடுத்து வெளியாகி ரசிகர்களிடம் கவனம் பெற்றுள்ளன. தொடர்ந்து படத்தின் முழு இசை ஆல்பமும் வெளியாகி வரவேற்பைப் பெற்று வருகிறது. படத்தின் வெளியீட்டிற்கு இன்னும் 8 நாட்களே உள்ள நிலையில், ‘ஜெயிலர் 2’ படத்தை தணிக்கை செய்த தணிக்கை வாரியம் யு/ஏ சான்றிதழ் வழங்கியுள்ளதாக தகவல் வெளியாகியுள்ளது. இதன்படி, குறிப்பிட்ட வயதுக்குக் குறைவானவர்கள் பெற்றோர் அல்லது பாதுகாவலரின் வழிகாட்டுதலுடன் படத்தைப் பார்க்கலாம். மேலும், ‘ஜெயிலர் 2’ திரைப்படத்தின் மொத்த ரன் டைம் 2 மணி நேரம் 45 நிமிடங்கள் என தெரிவிக்கப்பட்டுள்ளது.
