குழந்தைகள் தின விழா: அம்பாசமுத்திரத்தில் கொண்டாட முதல்-அமைச்சர் விஜய் திட்டம்

நாடு முழுவதும் நவம்பர் 14-ஆம் தேதி குழந்தைகள் தினம் கொண்டாடப்பட உள்ளது. இதையொட்டி, தமிழகத்தில் அரசு சார்பில் பள்ளி மாணவர்களுக்கு கேக் வழங்க ஏற்பாடு செய்யப்பட்டுள்ளது. இந்த கேக்குகளை கொள்முதல் செய்வதற்கான ஒப்பந்தப் பணிகளும் இறுதி செய்யப்பட்டுள்ளன. மாணவர்களுக்கு வழங்கப்பட உள்ள கேக்குகள் ஒவ்வொன்றும் 45 கிராம் எடை கொண்டதாகவும், தரமான முறையில் தயாரிக்கப்படுவதாகவும் தெரிவிக்கப்பட்டுள்ளது. இதற்கிடையே, அக்டோபர் 26-ஆம் தேதி முதல் கேக் தயாரிப்பு நிறுவனங்களின் வளாகங்களுக்குச் சென்று தரத்தை ஆய்வு செய்யும் பணியில் தமிழ்நாடு நுகர்பொருள் வாணிபக் கழகம் ஈடுபட்டுள்ளது. ஆய்வின்போது ஏதேனும் குறைபாடுகள் கண்டறியப்பட்டால், உடனடியாக தலைமை அலுவலகத்துக்குத் தகவல் தெரிவிக்கப்படும். இந்நிலையில், குழந்தைகள் தின விழாவை முன்னிட்டு நெல்லை மாவட்டம் அம்பாசமுத்திரத்தில் நடைபெறும் நிகழ்ச்சியில் முதல்-அமைச்சர் விஜய் பங்கேற்கத் திட்டமிட்டுள்ளார். மேலும், இடைத்தேர்தல் நடைபெற உள்ள தொகுதிகளுக்கும் இதேபோன்று நேரில் சென்று நிகழ்ச்சிகளில் பங்கேற்க அவர் திட்டமிட்டுள்ளதாகத் தகவல் வெளியாகியுள்ளது. இதன் ஒரு பகுதியாக, நவம்பர் முதல் வாரத்தில் பெருந்துறை மற்றும் விராலிமலை தொகுதிகளுக்கு முதல்-அமைச்சர் விஜய் செல்ல உள்ளதாகக் கூறப்படுகிறது.