படம் தயாராகிறது… Generating image…
உத்தரப் பிரதேசம், உத்தரகாண்ட் மற்றும் மேற்கு வங்காளத்தில் உள்ள 12 மாநிலங்களவை இடங்களுக்கான தேர்தல் அக்டோபர் 16-ம் தேதி நடைபெறும் என தேர்தல் ஆணையம் அறிவித்துள்ளது. உத்தரப் பிரதேசத்தில் 10 மாநிலங்களவை இடங்களுக்கும், உத்தரகாண்ட் மாநிலத்தில் ஒரு இடத்திற்கும் தேர்தல் நடைபெற உள்ளது. இந்த இடங்களில் தற்போது பதவி வகிக்கும் உறுப்பினர்களின் பதவிக்காலம் நவம்பர் 25-ம் தேதியுடன் நிறைவடைகிறது. இதனிடையே, மேற்கு வங்காளத்தில் காலியாக உள்ள ஒரு மாநிலங்களவை இடத்துக்கு இடைத்தேர்தலும் அக்டோபர் 16-ம் தேதி நடைபெறுகிறது. அன்றைய தினம் காலை 9 மணி முதல் மாலை 4 மணி வரை வாக்குப்பதிவு நடைபெறும். தொடர்ந்து மாலை 5 மணிக்கு வாக்கு எண்ணிக்கை தொடங்கும் என தேர்தல் ஆணையம் தெரிவித்துள்ளது.
